被張繼聰色誘來港 恬妞同王菀之鬥戲
20181009
東網電視
更多新聞短片
恬妞（左）承認被導演林敏驄搵張繼聰色誘來港拍戲，並大讚王菀之戲好歌甜。
資深女藝人恬妞返港加入賀歲片《如珠如寶》演出，久違了的她於拍攝現場孖住王菀之接受訪問，並全程廣東話對答：「我十幾年冇返嚟（香港）拍嘢喇，今次個故事好吸引我。（導演林敏驄話搵張繼聰色誘你返嚟？）都有少少因素啦！」
想約曾志偉見面
恬妞透露第一次同王菀之合作，稱讚對方戲好歌甜，但擔心自己轉數唔夠快：「你哋（記者）問佢多啲，等我同佢過完招再話畀你哋知點樣啦！」恬妞笑言首天開工，不清楚自己的角色，王菀之即幫口：「我做個愛心護士，恬妞姐係長輩住喺呢度（護老院）好耐，戲裏面講我一有唔開心佢就安慰我，令我好舒服。依家企喺佢隔籬，唔出聲都開心啦。」
近年長居北京與上海的恬妞，對香港仍有情意結。問返港後可有與老友聚舊？她答：「等我熟習咗環境先，會留到月底，想約曾志偉見面。（仲有興趣拍港產片？）梗係有，幫我寫啦！」
----------------------------
東網巨星開咗ig喇，大家快啲follow啦！