揀錯嘉賓？劉晨芝驚爆胡敏珊有男友

歌手劉晨芝早前邀得商界女強人胡敏珊（現改名胡曦文）擔任她主持的飲食節目嘉賓，之前幾集嘉賓分別是藝人莊思敏、袁嘉敏和男模宋斗煥，嘉賓專揀單身男女，不過劉晨芝卻爆料指胡敏珊並非單身！她笑說：「原來佢唔dry，節目原意係請啲單身人士上嚟學煮飯追男仔、追女仔，點知佢話有，我都幾驚訝！以前佢有男友，都會帶出嚟，但近期唔見帶出嚟，以為佢單身添！不過佢又冇講實男友係乜嘢人。」

劉晨芝自認不能與肥媽或李家鼎的煮食節目相提並論，她會走新派煮食路線，提倡「煮食治療」，她說：「自己無論開唔開心都會下廚，煮完個人就好舒服，過程抒發情緒，唯一唔鍾意洗碗，不過有個男性朋友話覺得洗碗都好治愈。（可能佢想追你？）冇諗過，Get唔到，感情上我係超級蠢，要人講到好白先明，唔想亂估，所以想喺節目同人分享。」