木口木面慶生 宣萱揚言送呢樣嘢畀古天樂…

20181011
東網電視
更多新聞短片
古仔笑言過生日一定要全家木口木面影張相。

藝人古天樂(古仔)與宣萱齊齊出席活動,提到本月21日是古仔的48歲牛一,他透露生日正日一定留在家與家人食飯及切蛋糕慶祝,並笑言:「每年都係切蛋糕,跟住全家木口木面影張相,由我細個手抱到依家都係咁,一埋位就自動木口木面。」說畢後即笑到標眼水。他續說:「媽咪每年都會下廚煮我鍾意嘅嘢食,生日要好意頭,所以會煮髮菜蠔鼓、白切雞。(新年菜?)係呀,當新年咁慶祝,你話係好唔好笑。(有咩生日願望?)身體健康,咁先可以大家坐埋一齊木口木面影張相。影咗咁多年習慣咗,由菲林影到依家,啲相有放喺相簿,有啲都變黃。(一代一代咁傳落去?)愛登士家庭咁。」

獨自打邊爐

古仔表示生日前後會跟朋友慶祝,不過宣萱就表示自己期間不在香港,不能為古仔慶生:「我放假去玩,你咁遲約人係咁。」她指去年有送禮物給古仔,還反問古仔是否記得,古仔笑謂:「個個送禮物,我都要記住,我咪好唔得閒?不過我記得你送咗個爐畀我、好靚,我用過一次,自己一個打邊爐,因為嗰次拍完戲『萬歲』,食剩好多嘢,我打包返屋企打邊爐。」宣萱即笑言今年要送煲給古仔:「送個木口木面煲畀你,貼你個樣上去。」

樂見新人入行

另外,談到政府會向影業撥十億,古仔謂近年電影界無論台前幕後都多了新人入行:「尤其幕後,好似打燈咁辛苦都有女仔入行,其實好多人都想參與,但冇門路,政府肯資助同鼓勵係好事,按部就班、開多啲培訓班。」