劉俊謙恨做醜男：幾核突都得
20181012
東網電視
更多新聞短片
劉俊謙想扮醜男。
舞台劇演員劉俊謙出席腕錶品牌在中環海濱活動空間舉行的活動，一向運動型的他，透露近日愛上做體操和吊環，他說：「玩吊環確係好高難度，因為覺得做Gym好悶，淨係練到個身形，身手未必靈活，鍾意靈活啲，平日都會跳舞。」提到近日拍攝ViuTV的電視劇《教束》，飾演一個頹癈教師，另外下月又要排新舞台劇，要扮醜男，同樣具挑戰，他說：「我都搵咗啲教書嘅朋友傾吓偈，佢哋心態原來就係咁，教書好多年，為份糧，冇乜教育熱誠嘅，其實都反映現實，但劇情係好笑，唔嚴肅嘅。（舞台劇做醜男？）我就係最想脫離呢啲靚靚仔仔樣，做戲成日嚟嚟去去咁好悶，（冇包袱？）冇包袱，幾核突都得。」另外他又剛接拍其首部電影，因電影要機密，暫時未能透露。
----------------------------
東網巨星開咗ig喇，大家快啲follow啦！