減磅冇啖好食!JW預告開騷玩濕身

2018年10月12日 20:30
東網電視
更多新聞短片
JW想減10磅。

歌手王灝兒(JW)及關楚耀現身澳門舉行聯合發布會,分別為各自的個人演唱會宣傳,二人還即場獻唱合共4首歌曲大冧Fans!將於12月底舉行首個澳門騷的JW,受訪時興奮預告除了濕身環節正考慮場地問題是否容許之外,其餘部分會原汁原味搬到澳門站上,兼會加唱新歌。她透露正為處女騷操弗,問到目標減幾多磅?JW絕望笑話減得幾多得幾多,最理想是減10磅:「真係冇信心㗎!依家食得好清淡,食雞胸肉係乏味咗少少,但為個騷係值得。」

講到日前自爆因腸胃不適而入院檢查,她謂幾日前已經開始胃痛,但就好有信心並不是第一個醫生所講的盲腸炎:「因為我朋友話盲腸炎係好痛,會痛到行唔到,但我又唔係,第二日再睇專科醫生先話係腸胃唔舒服,真係畀第一個醫生嚇死,依家食咗藥好好多啦。」續話冇想過留院是因為冇時間:「今個星期日日都要做嘢,好彩冇事。(要介口?)都要呀,同埋我以前係食嘢食得好快,又唔定時,依家會慢慢咬到爛先吞。」男友Tarzan有冇好擔心?她冧爆說:「係佢送我入院。」

問到來到澳門可會去賭場小賭怡情?她表示都會貪玩想試玩,不過因為驚被偷拍而放棄念頭:「費事好似『爛賭二』咁,唔想畀人影到呢個樣,所以有時嚟到都唔會玩,即使朋友玩,我都係企後面。」

---------------------------
東網巨星開咗ig喇,大家快啲follow啦!
https://bit.ly/2JjSVcr