林雅詩揸車識飄移：有人撩我賽車

藝人林雅詩（Grace）及經理人馬天樂到九龍灣拍攝汽車廣告，Grace以香車美人姿態拍攝，本身懂得飄移的她表示當年一夠歲數就考車牌，更曾在英國揸大膽車，她說：「我同車好有緣，好多工作同車有關，自己鍾意做男仔嘢。（你學飄移係咪一學就識？）都要一段時間，本身只係識自動波，都要去學棍波。（平時有冇人撩你玩賽車？）都有呀！但自己唔理，我係安全駕駛者。（仔仔有冇見過你飄移？）現場就冇，平時坐我車都安全嘅，但佢都叫我唔好揸咁快。」她又透露之後會參加舞獅匯演，跟十多個女士舞一個全世界最大的獅頭：「都要練一排，好似舉重咁，大隻咗，但係健康嘅。」