32歲生日！陳家樂願望長撈長有
20181012
東網電視
更多新聞短片
陳家樂32歲生日。
近日忙於拍英皇電影《神探大戰》，及ICAC為題材的新劇的陳家樂，今日於工作中度過32歲生日。昨日「收早」的他，獲一班好同事為他準備驚喜飯敘提前慶生，他開心說：「咁啱林夏薇喺台灣返咗嚟，佢送咗支酒畀我做禮物，而衛詩雅就悉心為我準備咗生日蛋榚，令我好感動。佢哋算係我圈中最好嘅朋友，同佢哋一齊過生日真係好窩心。（生日願望？）今年我好好彩，遇到《逆緣》爺爺嘅角色，希望日後大家繼續認同陳家樂，而我就想長做長有，生日有得開工成個人份外安心嘅。」
英皇集團主席楊受成今晚到片場探班，劇組包括男主角劉青雲及湯怡等，推出兩個生日蛋糕為家樂慶祝，楊受成對壽星仔更讚口不絕：「我一直睇好家樂，佢不單外形好，工作又認真。呢一年佢事業有突破，我好替佢開心，希望佢能夠好好把握機會。」直呼受寵若驚的家樂說：「好開心，第一年同老闆慶祝生日，佢仲話要請我食飯，睇我幾時收工喎。（想老闆帶你去食乜？）佢帶得我去食嘅，必定好味啦。」
談到有指家樂有意購入千萬樓，他回應時謙稱：「我邊有賺得咁多？大家太抬舉我嘞，想買樓係因為依家住嘅地方唔夠用，年底妹妹註冊結婚又暫時冇諗住搬走，所以先有咁嘅想法，不過近日樓市非常波動，我同家人商量後，可能會選擇先裝修舊居，籌多啲錢先再作打算。」而人緣不錯的家樂獲《神》片拍檔劉青雲，及因準備明天Twins澳門演唱會而缺席的蔡卓妍（阿Sa）送上生日祝福，相當有愛。
---------------------------
東網巨星開咗ig喇，大家快啲follow啦！