名模襲皇家婚禮 姬摩絲母女檔撐埸

20181013
東網電視
更多新聞短片
Cara(左起)、娜奧美與姬摩絲母女撐場,英國幾大名模都到齊見證公主大婚!(美聯社)
英國皇室又有喜事,繼哈利王子娶女星梅根後,尤金妮公主與富商布魯斯班亦於香港時間昨日舉行皇家婚禮,現場約有850名賓客,當中包括唔少名人紅星,雖然未見曾出席兩個王子婚禮嘅碧咸(David Beckham)夫婦,但亦見有英國幾大名模到場,現場好似時裝周場外一樣!
「黑珍珠」娜奧美金寶(Naomi Campbell)盛裝上陣之外,仲有罕有帶埋16歲囡囡Lili示人嘅超模姬摩絲(Kate Moss),未知是否有心帶近期出道做模特兒嘅Lily見世面?而同場仲有人氣爆燈嘅「粗眉模」Cara Delevingne同埋家姐Poppy Delevingne,一向反叛嘅Cara以黑色禮服上陣,配上大禮帽晒型格一面,與友人邊行邊笑之外,更當眾叼住枝牙籤,有別於一眾賓客,輕易突圍!
尤金妮公主不時出席娛樂活動及時裝活動,婚禮除有紅模現身,仲有影星狄美摩亞(Demi Moore)、莉芙泰萊(Liv Tyler)、歌手Robbie Williams與James Blunt等,場面星光熠熠!