胡渭康做選美評判揀女冇準則

歌手胡渭康最近宣傳新歌《鏡花》，說到事隔兩、三年才派新歌，他解釋早前忙於拍攝《愛·回家之八時入席》和登台：「呢首歌係為年頭演唱會做，到依家先有時間派台。好開心大家覺得好不一樣，又好鍾意歌詞。人生過咗一半要慢落嚟，但唔代表冇嘢睇。好似我個MV咁，黑白都係顏色，唔代表冇嘢，成首歌所有嘢都配合得好好。」

至於講到日前他為選美活動擔任評判，他笑言看靚女並沒準則：「我之前見過佢哋，但到決賽佢哋就變晒，因為經過好多訓練、接觸過好多人，自信心同各樣都一定有進步，賽前要估邊個贏係好難。」