介入黃文意戀情？陳偉琪咁樣答

藝人陳偉琪（Vicky）、林慧倩及KellyJackie（陳曉琪）到灣仔出席獅子會全港學生三人籃球賽發布會，最近藝人黃文意被揭兩年前曾與童星出身的李日昇拍拖，有指Vicky是當時二人間的疑似第三者，今日Vicky表示一頭霧水，自己跟李日昇相識5至6年，是訓練班同學，合照都是一班人一齊影相，只是朋友。問到是否知道黃文意及李日昇曾拍拖？Vicky說：「我真係唔知呢件事，完全唔關我事。（點睇會牽涉事件之中？）我覺得好無奈，我本身唔識黃文意，同李日昇見親都係一班人聚舊。（會唔會同黃文意解釋？）我唔知件事點解發展成咁，我只係覺得自己躺着也中槍。」

講到今年已是第二年做籃球活動大使，Vicky表示每次都想起求學時期狂打波的日子：「當時如果學業差，媽咪就唔畀我打波，所以我寧願開夜車溫書，犧牲瞓覺時間，下午都要打波。我覺得年青人應該要培養到自己喜歡嘅運動，我好開心入行之後都仲可以keep到打波，試過同《開心速遞》幾個拍檔許家傑、鄭世豪一齊打。」