何廣沛自認綠葉 邊個先係主角?

2018年10月13日 15:26
東網電視
更多新聞短片
何廣沛話自己只係綠葉咋!

藝人何廣沛、劉佩玥、張曦雯、張文慈及李日昇等下午到鑽石山出席無綫劇《跳躍生命線》宣傳,與觀眾大玩遊戲,廣沛等猛男更即席騷體能做掌上壓,場面熱鬧。而身為男主角的馬德鐘因為身在西藏缺席,但有拍片幫台前幕後打氣。

感激李成昌接拍

戲中廣沛與「爸爸」李成昌的一段父子情最為催淚,他坦言:「本來昌哥想休息唔接呢套劇嘅,多謝佢最後都肯演,佢幫到我好多(入戲),佢係主角,我係綠葉咋。」他預告下周劇情這段「父子情」再昇華,他會因擔心爸爸安危而與上司發生衝突,前途響起警號。談到拍攝時的辛酸,他表示:「雖然辛苦,但睇番啲片段回憶返晒嚟,係拍到腰酸背痛,但值得嘅。」

劉佩玥為劇學揸電單車

劉佩玥則透露扮演救護女騎士的她因要跟足制服裝備,加上夏天開工,很是辛苦。談到戲中揸電單車戲,她說:「我同陳瀅事前專程去咗學電單車,不過未考牌,嚟緊會去做,相信第二時可能會用得着。其實我哋每個角色背後都有個故事,嚟緊會交代我點樣由戀愛死胡同走番出嚟。」

張文慈澄清唔係港女

同場剛再榮升姑媽的張文慈人逢喜事精神爽,她於《跳》劇內扮演「13點」港女引起話題,她澄清不是本色演出:「多謝大家咁支持,但我本身真係唔係港女。嚟緊十幾集之後就會交代點解我會變成咁,當中有跳橋同追仔戲,有得發揮㗎!」

----------------------------
東網巨星開咗ig喇,大家快啲follow啦!
https://bit.ly/2JjSVcr