帶廉仔出騷！曹永廉落晒閘唔畀入行
20181013
東網電視
更多新聞短片
曹永廉帶埋仔仔出動。
藝人曹永廉（阿廉）帶同11歲大的仔仔曹保熙，襯晒綠色父子裝出席活動。保熙面對鏡頭表現大方兼淡定，完全不感陌生，簡直是可造之材！二人一同受訪，阿廉表示之前一家四口加外父姜大偉去到澳門幫旅遊局拍攝宣傳廣告，不過今日妹妹要溫書，就冇一齊出活動：「我都唔多帶佢哋出嚟，始終都要睇吓佢鍾唔鍾意。」問到保熙鍾唔鍾意？他笑笑口話鍾意，阿廉即刻話：「幫Daddy搵食啦！（支唔支持仔仔入行？）最好唔好啦，呢行好唔穩定，好多時都要講運氣、天時、地利，讀咗書先，讀完先再算，到時搵錢養番我！」問到仔仔可有遺傳到自己的演藝細胞？阿廉即落閘話冇，仲笑嘲仔仔口才不及自己，又冧爆話啱啱先喺瑞士拍攝18日回港，感覺上會比較煙韌，就連保熙都怕醜話掛住爸爸！
----------------------------
東網巨星開咗ig喇，大家快啲follow啦！