明日決賽 姜濤佛系拉票:呼籲冇乜意思

20181013
東網電視
更多新聞短片
姜濤聽日加油喇。

ViuTV選秀節目《Good Night Show全民造星》的最終十強今日現身決賽場地進行拜神儀式,更率先跳唱一首歌作熱身,眾人均落力演出,為明日作最後準備!

其中視為大熱人選的姜濤笑話比賽前實會緊張,但遠比於參賽初期的那份不知所措感覺不同:「係正面嘅緊張,又唔會緊張到瞓唔到,就算得半個鐘都好想瞓。(驚唔驚表演期間失手?)唔驚,係驚唔知點樣去彌補番,Eric Kwok都有教作為藝人要盡快忘記失誤,所以盡量做到呢一點。」

問到有否諗定賽後慶祝活動?姜濤透露明晚十強都必定會食飯慶功:「贏、輸都好次要,完咗呢個比賽已經好滿足,大家都唔會再處於一個好緊繃嘅狀態。」有冇叫Fans幫手拉票?他笑話沒有,並以「佛系」心態指:「真心支持你嘅人就一定會嚟,有時呼籲都冇乜意思,我嘅性格係如果你真係鍾意我就會過嚟,但都會循例拉下票。」

至於劇集方面,他表示未知幾時開拍,現時先主力參加比賽。