楊受成托手㬹!阿Sa都撲唔到學友演唱會飛

20181014
東網電視
更多新聞短片
一票難求!

組合Twins在澳門威尼斯人舉行巡唱終點站,騷後受訪時,問到蔡卓妍(阿Sa)男友可有來?她即笑言:「關你咩事?」之後才沒好氣表示有,而鍾欣潼(阿嬌)就大方透露老公賴弘國、老爺奶奶都有來。講到終於完成巡唱,阿Sa表示其實自己聲帶有事未好番:「真係要好好養聲先,聲帶一直未好番,唱歌要停一停,拍戲先,依家唱歌有少少吃力,原先仲話諗住開多幾場,但我真係控制唔到。」講到阿嬌在台上表示扭親,她謂:「我Lifting上去時,我自己Swing自己上去,搞到扭一扭到個Hip位。」

阿嬌大讚老公係好爹哋

講到阿嬌與老公一起拍內地真人騷《爸媽學前班》,問到是否學做媽咪?她表示:「節目真係學到嘢,做爹哋媽咪真係唔容易,但起碼知道我老公會係一個好爹哋,因為佢好有耐性,不過我哋暫時冇諗住生BB。(諗住幾時?)兩年後。」而講到有指阿嬌將於12月在香港擺酒,她坦言:「係,但我未定晒啲嘢,因為我哋仲未申報排期簽字,總之知嘅時候會話畀大家知,依家都未有囍帖。(係咪冇接新娘嗰啲儀式?)冇㗎啦,上次美國做咗一輪,淨係飲㗎咋。」

阿Sa呻自己開騷都冇飛

而講到阿Sa被粉絲抓傷,她表示因為演唱會門票第一日就售罄,聽聞有人把飛尾賣畀人,令到有人可以入場睇餘下的半場,對此她坦言真的很難控制:「即係今晚多咗好多人嚟睇,場地可以坐一萬人,如果每個人都咁做,咪即係有三萬人入咗場?」她又大呻自己開騷但都不能內部訂購,又呻搵老闆楊受成撲飛都唔掂:「身邊有好多Auntie都託我訂張學友嘅飛,我問老闆有冇辦法,點知老闆話『我唔死都唔掂呀,依家冇飛!』,你諗吓我老闆都要死呀!」
----------------------------
東網巨星開咗ig喇,大家快啲follow啦!
https://bit.ly/2JjSVcr