【那些年】杏兒晒大合照差葉璇 網民神回

20181014
東網電視
更多新聞短片
胡杏兒話覺得張相差葉璇,點知網民都竟然諗起仲差黃宗澤呀!

無綫金牌監製潘嘉德尋晚舉行榮休暨生日宴,唔少藝人都趁機敍吓舊,非常熱鬧!當中最引起網民討論嘅一定係《少年四大名捕》吳卓羲、陳鍵鋒、林峯及馬國明難得合體,而做咗人母嘅胡杏兒就喺微博上載加上人妻楊怡嘅六人大合照,不過佢就覺得差咁個人,佢就係葉璇喇,杏兒留言:「難得的合照,我覺得還差葉璇,你們覺得呢?」而被tag嘅葉璇就上載自拍回應:「我正在地鐵站通頂演持槍悍匪啊[笑cry]!我的心跟你們在一起」

網民就留言話呢個組合諗起《衝上雲霄》、《再生緣》、《西廂奇緣》,不過仲有人神回:「其實還缺一個Bosco(黃宗澤)!」原來尋日杏兒舊愛Bosco去咗鄭州工作,唔知如果喺香港佢會唔會去呢?

仲有唔少當年喺無綫拍劇嘅藝人包括甚少公開露面嘅陳美琪、陳慧珊、古天樂、梁漢文、李克勤夫婦等等都有赴會,網民都好感慨話「這才是TVB的感覺」,諗番起嗰一個年代嘅TVB劇集呀!