見到Twins硬晒！余德丞獲阿Sa親自送祝福

藝人余德丞（Dickson）早前踢波昏迷入院，獲「全城集氣」為佢加油！康復後嘅佢呢日仲得到偶像親口祝福佢身體健康，究竟係邊位咁有心？就係Twins喇！Twins尋日喺澳門威尼斯人舉行巡唱終點站，Dickson就化身小粉絲，孖好友馬天佑齊齊去睇騷，坐握手位嘅佢哋，蔡卓妍（阿Sa）唔單只上前同佢握手，仲送上祝福：「咦，你好番啦？你要身體健康呀！」認真warm到爆。

之後入埋後台分別同阿Sa及鍾欣潼（阿嬌）合照並甫上社交網，仲怕醜仔上身，硬晒軚又雙手合十勁唔自然，佢留言：「然後買襪買衫可以做Fans」睇嚟真係Twins嘅忠實粉絲噃！