挑戰高海拔!馬德鐘遇高山反應:人生脆弱

20181015
東網電視
更多新聞短片
馬德鐘一講佢嘅西藏之旅,張曦雯就聽到好入神!

無綫舉行《TVB 50+1周年再出發》節目巡禮錄影,三套台慶劇《跳躍生命線》、《是咁的,法官閣下》及《兄弟》,以及節目《兄弟姊妹去旅行》、《阿爺廚房》、《嫁到這世界邊端2》等參演演員出席,馬德鐘、劉佩玥、張曦雯、王君馨、王浩信、朱晨麗、江嘉敏、麥明詩等,眾人均穿戲服現身,場面熱鬧。

剛從西藏旅遊返港的馬德鐘,聯同張曦雯以《跳》劇代表身份現身,首次為該劇宣傳的他對劇集反應好感高興:「知啲觀眾好鍾意片尾嗰段獨白,我自己都鍾意。」張曦雯亦笑指終於等到對方歸位,無須再拎其「紙牌」宣傳。

馬德鐘表示早前完成該劇拍攝後有很多反思,有感意外無常,故特別與太太到西藏感悟人生,問到可有高山反應?德鐘謂:「有,人原來好脆弱,意志幾堅定都係個天話事,當時去到三千幾海拔已經有高山反應,冇吸氧氣,因為吸咗之後,就唔可以再上更高地方,要慢慢適應,好似頭痛、瞓着同想嘔咁,太太都有反應,好在唔係同時間出現,可以互相照顧。」他表示已有兩年多沒有在無綫劇亮相,如今有劇出,故非常期待。