鄺潔楹做港版羅拉 林泳淘向莎朗史東致敬

20181016
東網電視
更多新聞短片
問你點頂!
每個香港人都想搵份好工,但唔少打工仔都試過見工失敗。呢日See see TVB Facebook專頁上載台慶爆笑網劇《我老細唔係人》,講述年輕人鄭雋熹見工面試無數次失敗,相當爆笑!
鄭雋熹一開始着晒西裝去見跟車,佢仲見到「港版羅拉」鄺潔楹喺到搬貨,小背心熱褲上陣,粗獷得嚟又性感!但鄺潔楹嫌佢「男人老狗姐手姐腳」,叫佢「算罷啦!」後來鄭雋熹就打消跟車嘅念頭,諗住去小學做助教,點知面試遇着林泳淘,佢見到林泳淘着上逼爆恤衫,再加上短裙仔,同佢面試時,就好似《本能》莎朗史東,對腳揈嚟揈去,真係不得了,鄭雋熹最終受唔住制服誘惑流晒鼻血,見工再失敗!
鄭雋熹之後去見工做殺手,而「鷲哥」吳岱融就搞笑扮成殺手同佢面試,仲重現鷲哥嘅經典金句「臭雞」。吳岱融要佢證明有膽量,扮用枝槍指住佢個頭,嚇到佢腳震震。鄭雋熹繼續堅持着佢套西裝去見工,呢次仲係去見救生員,黃建東一嚟就遞咗杯黃色嘅液體畀佢,佢以為又考驗佢嘅膽量,所以就諗都唔諗咁飲,點知原來係尿嚟,相當搞笑。但佢去到最後都係見工失敗,最尾佢總共見工失敗999次。唔少網民都話好好笑,仲留言話好期待下一集,希望快啲出喇!
網民有話兒:
Alxx Lxx:Miss Lam實在太靚啦!
Stxxxx Yxx:好好笑呀!快點播一集
Felxx Nx:我由頭笑到落尾
Suxx Woxx;鄺潔楹靚女又有型呀