恬妞拍戲冇乜對白：可能林敏驄知我唔識講嘢
20181017
東網電視
更多新聞短片
林敏驄話唔知恬妞有唱歌，恬妞即叫對方Google吓佢！
影星恬妞到西貢為電影《如珠如寶》拍攝，多年未有拍香港電影的她笑言已習慣：「食飯已經好習慣，第一日拍時好緊張，因為冇劇本只有大綱，不過大家都冇所謂，我就對白唔多，可能林敏驄知我唔識講嘢，依家拍咗六日，已經唔捨得走，希望香港電影多啲搵我拍啦！」
恨喺紅館開騷
問會否拍港劇？恬妞表示：「樣樣都試，我仲想開演唱會添！你哋可能唔知我識唱歌，我出過七張唱片。我拍劇幾廿年，對我嚟講係簡單，其實我唔鍾意拍戲，我好享受燈光同音響。」她直言恨入紙申請紅館，望三年內能開騷，提到薛家燕開騷在即，可自薦做嘉賓，她笑言：「好喎！我日日過隧道都見到佢！」同場的林敏驄得知她恨開騷，直言不知恬妞有唱歌，她笑言：「你Google吓我啦！」
----------------------------
東網巨星開咗ig喇，大家快啲follow啦！