冇去陳展鵬新婚Party 胡定欣話因為…

20181017
東網電視
更多新聞短片
胡定欣冇去賀陳展鵬結婚。

藝人胡定欣、陳豪、吳卓羲、陶大宇、溫碧霞、李若彤、郭晉安及盧惠光到將軍澳出席品牌記者會。提到定欣日前沒有去緋聞男友陳展鵬與單文柔舉行的婚禮及After Party,她表示有收到派對邀請,但因時間問題趕不切出席,問會否補送禮物?她說:「一班姊妹會夾份畀利是。(羨慕佢結婚?)努力工作,隨緣啦!」

講到定欣早前跟好友姚子羚、蕭正楠(阿蕭)及曹永廉到瑞士拍攝節目《兄弟姊妹去旅行》,全程夾計整蠱曹永廉:「佢做咗我哋箭靶,有好多趣事。(怕唔怕佢再發脾氣?)所以都要小心,阿蕭知佢底線!其實我上年去過一次瑞士,今次公司請我哋去咗一啲新嘅地方,去咗15、16日,開心到唔捨得走,不過都幾攰,一早起身,又要上雪山,坐咗幾次纜車,但個雪山景真係好靚,我哋有玩掟雪,仲睇埋日出日落,下次會帶埋媽咪去,因為我同細佬都去過,佢見到啲相都流晒口水!」

有指將開拍的劇集《法證先鋒lV》原本有定欣及陳煒一同主演,但因定欣怕被陳煒搶戲而辭演,定欣作出否認:「本身係有消息話會搵我,但最終因為時間夾唔到所以冇拍到。(唔係要避陳煒?)唔係,同佢合作得好開心呀!拍完《宮心計2深宮計》感情好好,完全唔關事!」

----------------------------
東網巨星開咗ig喇,大家快啲follow啦!
https://bit.ly/2JjSVcr