拍拖開心幸福肥！蔡卓妍瞓身操Fit晒靚股

歌手蔡卓妍（阿Sa）最近經常健身做運動，努力Keep好身材。呢日佢喺社交網分享做Gym嘅相，相中見到佢身穿貼身褲，美臀相當吸睛。佢除咗練雙臂之外，仲練埋下半身肌肉。原來佢咁積極操Fit係因為身邊嘅人都話佢有幸福肥，唔知係咪近日同百億富二代男友石恆聰正打得火熱，感情十分甜蜜，所以有啲發福呢！

阿Sa仲搞笑話想畀人話自己幸福fit多啲，但同時即係話自己依家好幸福：「個個都恭喜我幸福肥 但我鐘意幸福fit多啲囉」好多網民都留言話阿Sa一啲都唔肥，已經fit到爆喇！