苟芸慧爆乳公主Look出嫁　啜爆陸漢洋兩次

現年35歲苟芸慧（Christine）同陸漢洋（William）今日（19日）於上水雙魚河會所舉行結婚西式午宴，共宴請八十名賓客，當中包括郭慶彬、關心妍與女兒等。早前已經神秘註冊的她，已經成為陸太。今日婚禮以「童話」為題，一對新人進場之前，先播放他們於加拿大舉行婚禮時的影片，當日做齊接新娘、斟茶畀長輩等傳統儀式。影片上，身穿紅色裙褂的Christine，與穿上紅色中式禮服的William，相當合襯。

William接新娘時，還大唱《Beauty and the Beast》，雖然有少少走音，但因為夠晒投入，令到在場嘉賓都開心大笑！而當兩人斟茶畀長輩時，收了不少利是與金器，而當斟茶畀苟芸慧媽咪時，苟媽媽用國語跟William說：「你要好好好照顧我女兒！」陸漢洋於加拿大婚禮上，曾一度喜極而泣，要低頭拭淚，相當感動！

影片播放完畢後，Christine身穿早前於加拿大古堡拍攝婚紗相的低胸婚紗，翹着陸漢洋的手進場，婚妙有20呎長拖尾，十分漂亮！婚紗下半身嘅設計仲相當特別，採用向內彎透視設計，所以隱約見到其下身高衩幾乎到髖骨位，睇落就連着T-back都有難度，簡直Sexy到爆！

一對新人完成切蛋糕及祝酒儀式後，現場賓客在司儀帶動下，要求兩人錫錫，他們亦相當識做，嘴對嘴錫足兩次，長達三秒畀大家影相，之後新郎哥以英語致辭：「今日好多朋友遠道而嚟出席婚宴，好感動，好多謝大家！」而午宴回禮則有護膚品set以及名牌銀書夾。

苟芸慧、陸漢洋經理人Lily亦有接受媒體訪問，直言能見證一對新人拍拖、結婚，到今天舉行完美婚禮，真的很戥兩人高興：「佢哋兩個都深愛對方，希望佢哋百頭到老、永結同心，工作蒸蒸日上，苟芸慧一直都獲得唔少品牌嘅愛護同支持，今日都有代表嚟到婚宴同埋好多傳媒朋友，真係好多謝大家嘅愛錫，陸漢洋作為一個賽車手，車隊成立短短一年，已經贏得法國利曼24小時耐力賽－短途世界杯，成績真係好好，都好多謝大家嘅支持。」