自己化埋妝　黃淑儀碌盡人情卡拍《吾淑》

藝人黃淑儀與安德尊探訪葵涌一間長者鄰舍中心，前者炮製美食，二人又即場大派禮物，場面熱鬧。

昨剛從加拿大返港的黃淑儀，連夜起床準備食材，為長者們烹調「鮑魚蘿蔔丸子」，氹得大家開心不已。談到拍攝節目《吾淑吾食溫哥華篇》的軼事，她笑謂：「試過借咗隻船出海拍攝，點知有啲問題，去到水中央突然冇油唔郁得，畀水上巴士『砵』，搞到我哋要報警搵海上救護隊幫忙，不過係次好好嘅經驗。」

她又指今次由策劃、資料搜集，甚時拍攝時服裝、化妝，全是自己一手包辦：「大隊未嚟到之前，我仲要向當地老友拍膊頭，睇佢哋可唔可以借舖頭、後花園咁畀我哋拍嘢，真係碌盡人情卡，兼顧好多嘢，都拍得幾辛苦。」安德尊則建議黃淑儀下次可改去拍「多倫多篇」：「我父母、親友喺嗰邊，可以幫吓手嘛。」