跨越四分一世紀！葉蘊儀小塵埃合唱揭高潮

藝人葉蘊儀（Gloria）到九展為組合小塵埃演唱會擔任嘉賓，合唱1993年推出的兒歌《哪兒》揭起全晚高潮。Gloria認為自己做他們的嘉賓非常理所當然：「我係《哪兒》原唱者，同埋我好支持香港年青人。佢哋翻唱呢首歌好有意思，令之前鍾意嘅人再聽番，又令未聽過嘅人可以聽到。（覺得佢哋唱成點？）好好！大家演繹方式唔同。」她笑言上台前有幾吓心跳加速，但上到台就感覺好些。至於可會多些唱歌？她說：「冇諗喎，我以前係偶像歌手，唔係唱家班，玩吓冇所謂，真唱就要畀心機練好啲。」

工作方面，她表示忙於自己的藝術工作：「演藝工作有傾，但要睇啱適合劇本同時間先，今年內都唔會做住。」她坦言想拍戲，因為一直未有自己很滿意的角色：「可能大家覺得我嘅代表作係《阿修羅》，但對我嚟講唔係好大發揮，希望有更大發揮機會，同埋再出多本文集。」