寫情歌冧女　Pandora尋回初戀的感覺

樂隊Pandora（潘朵拉樂團）最近推出新歌《鄰家的你》，四位成員主音Tony、結他手盧華、Bass手OG及鼓手Michael齊齊受訪，Michael被成員踢爆比較怕醜，所以想藉這首歌抒發感情，他表示：「因為我怕醜，唔係好夠膽同女仔講嘢，用盡好多晚心機諗點樣同個女仔講鍾意你，所以寫咗呢首歌。（呢首歌送畀一個特定嘅女仔？）送晒畀全部女性、畀大家。（之前有冇真係試過送歌畀女仔表白？）係有嘅，因為最特別、最耍家。」

重返校園扮學生

四子謂這首歌有初戀、青春的情懷，所以眾人在MV中重返校園扮學生，例如Tony扮壞學生，Michael扮怕醜仔、長頭髮的盧華要被訓導主任捉去剪頭髮，而OG就笑言自己是「Cool Guy」。問到錄新歌時可有想起自己初戀的畫面？Tony表示：「歌詞入面講『讓我每日偷偷的想念鄰家的你』，大個先可能會主動拖手，但青澀嘅愛情唔敢，所以喚醒番初戀嗰種明明掛住你，但又唔敢講嘅感覺。」

玩音樂開銷大

講到自資出歌，四子多謝朋友義務幫忙，亦坦言玩音樂開銷大，幸好成員們都有副業。講到Tony及Michael是兄弟，問到兩兄弟都玩音樂，家人可會支持？Tony表示家人最初反對：「直至佢哋聽到我哋一個訪問，所以有少少改觀，兩個仔雖然可以打其他工、有穩定收入，但呢個係咪真係人生呢？定係可以搵少啲錢但換嚟開心？佢哋覺得我哋嘅人生係自己選擇。」講到夾band在香港難搵食，OG表示：「惟有努力去改變風氣，令大家愈嚟愈留意多啲樂隊。」他們亦坦言不甘於做文職工，故想趁年輕嘗試一番：「睇下我哋嘅音樂可唔可以為世界帶嚟少少唔同。」