林嘉欣認同筆友通信好刺激 老公竟然話…
20181022
東網電視
更多新聞短片
林嘉欣有個十多歲嗰陣就開始通信嘅筆友。
藝人林嘉欣到香港大學任演講嘉賓，導演老公袁劍偉亦在台下聽講，當主持問到她愛情觀時，嘉欣即表現害羞不作答謂：「我先生喺度喎，哈哈！」而嘉欣則自爆今時今日她仍有筆友，由十多歲時便通信，通信8年才第一次見面：「唔識嘅人第一次見感覺好得意，寫信見唔到，嗰種感覺好刺激。」說到她性格反判，但竟然會結婚，問老公的個人之處？她即遞咪給老公，袁劍偉笑言：「我冇嘢講！」嘉欣即謂：「佢唔畀講！總之佢好好囉，好到不得了。我性格鍾意變，我諗先生跟住我速度變都幾慘，但我太多嘢想學。」
多年前嘉欣曾出碟做歌手，有學生問到可會再踏歌壇，她謂：「我係唔鍾意唱歌，極之驚唱歌，喺錄音室唱歌可以，但一上台就向後退㗎！發覺我上台一啲都唔享受，演戲係演一個角色，但唱歌感覺好赤裸裸，因聲音係自己，好似全世界聽住自己，唔鍾意咁。」
演講會後，嘉欣接受訪問，談到有位多年筆友，老公可有呷醋？她謂：「冇，咁異性唔一定嗰種嘅！佢係德國人。（當年有冇諗過發展？）冇得發展，純粹係筆友，大家唔同世界、唔同地方。」說到老公不准她爆他個人之處？她笑笑口說：「老公唔畀講。（老公行開咗唔怕講？）唔講得，我好聽佢話㗎，雖然好反叛，但都好尊重佢。（好難跟你步伐？）我實在好多興趣，要跟住我步伐都難，但佢好支持我。」老公是否她追到索氣？她撒嬌說：「哎呀，又唔好咁講。」
----------------------------
東網巨星開咗ig喇，大家快啲follow啦！