前港姐林伊麗宣布佗B　愛犬最先知道喜訊

港姐出身的無綫娛樂台主播林伊麗（Michelle），今年三月與周姓男友在峇里舉行婚禮，事後再在港補辦婚酒。林伊麗啱啱喺社交網公布喜訊宣有喜，並上載一張超聲波圖片，留言「First we had each other， then we had you。Now we have everything.（首先我們在了一起，現在有了你，我現在擁有了一切。）我們要做Papa&Mama了，最先知道的肯定是Toffee（家犬），因為它（牠）前陣子一直要躺在我的肚子上。收到很多朋友的祝福，謝謝你們，感覺你們真是神通廣大。」

Michelle受訪時開心表示：「啱啱過咗過三個月，不過體重跌到去入行後新低，事關嘔得好犀利，又唔係好食到嘢，所以暫時請咗假，如果唔係開外景突然嘔就唔知點算好嘞。」她又指自己想試順產﹕「不過唔知得唔得㗎，試吓啦！（Toffee呷醋？）佢先唔會，其實我未知自己有咗前，佢突然間對我個肚好有興趣，成日黐住我，就係佢嘅反應令我醒覺，終於證實自己真係有咗BB。」