母女去旅行 陳自瑤唔預老公:等佢就去唔到

20181023
東網電視
更多新聞短片
陳自瑤強調夫妻感情冇問題。
藝人陳自瑤(Yoyo)今日上電台接受李居明及江美儀訪問,她表示之前與李居明有多次合作,包括TVB的風水節目,最近又參與對方製作的兩部電影,提起最近陪囡囡去旅行,問到為何不一家去?Yoyo表示因為老公王浩信剛入《解決師》劇組,不能隨便請假:「自己之後都要入劇組,所以就同囡囡去先,等嚟等去就去唔到。(有冇Plan過一家去旅行?)都有。」講到王浩信今年有望憑台慶劇《兄弟》蟬聯視帝,Yoyo笑話都有其他入圍者,加上《兄》都仲未播,故都是未知之數:「但如果真係可以『冧莊』,自己都好開心。」
講到另一堪輿學家麥玲玲都有參演其中一部,並大爆酬勞豐厚,Yoyo聞言笑話是「開心價」:「不過錢唔係最緊要,同師傅拍戲可以順便去旅行,啱啱去完紐約同杜拜拍嘢,呢兩個地方我都未去過,去杜拜入住最貴嘅帆船酒店、去沙漠騎駱駝、仲去咗全世界最高嘅大廈;紐約又住咗十大最貴酒店之一,嗰間酒店喺當地係最貴,好有富豪生活嘅感覺,好開心!都叫咗師傅再開戲要搵我。」
問到途中可有向師傅請教維繫婚姻的貼士?Yoyo話師傅曾經講過如果想咩都好,就要養隻貓,但因為家中已養一隻大狗,兼自己又有鼻敏感,所以一直都考慮中,又坦言感情方面不嬲都好好,大家無需再斟酌於這點上,又自言比較着重事業:「師傅話我適合拍電影,咁我自己都鍾意,都想作多方面嘗試。」