一世任食火鍋!城城日日食No Problem

20181023
東網電視
更多新聞短片
城城原來好鍾意食火鍋~

天王郭富城(城城)為《重慶劉一手火鍋旺角旗艦店開幕典禮》擔任主禮嘉賓,向來熱愛食火鍋的城城笑言:「大家講起郭富城就會諗起麻辣火鍋,我讀書時期,爸爸成日帶我去食消夜,都會喺啲餸菜度加辣椒,假日煮飯嘅時候都會煮辣嘅餸,養成咗我無辣不歡嘅口味。」城城又自爆經常回內地工作,通常會獲安排食麻辣火鍋,更試過一星期都食火鍋。

食得辣過老婆

本月26日就踏入53歲生日的城城又即場獲老闆送上店舖「一世任食」的VIP卡和一個火鍋造型的生日蛋糕,令城城喜出望外,並即場許願。問到如此喜歡吃火鍋,可有想過自己開一間火鍋店?城城表示:「以前係有諗過,但太忙,都係負責食啦,依家又有得免費食,自己最鍾意嚟呢度食,始終做生意要落手落腳,自己工作太忙,所以打消念頭。其實我周圍飛試過唔同嘅火鍋店,劉一手真係好值得推薦,同重慶老店一樣咁好食,始終打邊爐啲材料夠新鮮好重要,所以我好重視材料,呢度就天下無敵。」至於太太方媛是否同樣食得辣?城城坦言:「好似我食得辣啲,但屋企人都會陪我食,會就我食辣,太太都可以食少少辣。(佢依家係咪唔食得辣呀?)唔會,都會食少少。」城城又笑言如今可以終身任食,真的可以晚晚吃火鍋:「我真係可以食足咁多日,唔係誇,係真係熱愛。」

生日都要開工

問到生日是否吃麻辣火鍋慶祝?城城笑說「好建議。(你依家衣食無憂?)唔係,只係免費食火鍋,間中都要食吓中餐,飲吓涼茶解一解。」他又透露生日正日要工作,現時工作忙碌,要綵排演唱會、廣告宣傳和拍電影,幸好公司分配時間很好。講到生日願望?城城就說:「簡單啲,就係身體健康同工作順利。(想唔想生多個BB?)我都講過等天安排,順其自然就最好。」

演唱會加開一場

城城又指今晚會出席電影謝票,再通宵排練舞蹈,因為要為11月的廣州演唱會做準備,表示這次演唱會會加入新元素,他說:「原本淨係開11月24日,但反應理想,所以加開25號一場,個場地好難得可以加場,所以唔可以再加。(你依家工作咁忙咪少咗時間陪太太? )唔會,反而做歌手多啲時間陪屋企人,因為我要留番喺香港做總綵排,咁就多啲時間陪佢哋。」