天王特權！嗜辣郭富城被爆有專屬湯底

重慶劉一手火鍋旺角旗艦店今日隆重開幕，老闆Francis邀請眾多好友到場一同見證盛事，場面非常熱鬧。Francis表示：「呢度只係其中一部分嘅好朋友，有啲就出咗Trip，始終今日係Weekday，見到咁多人非常開心。」問到今次籌備開分店是否花了很多時間？他說：「其實同類型嘅Event都有搞過，我今次反而唔多時間籌備，但心情都幾興奮。（有好多藝人朋友都會幫襯你哋，新店會唔會加多啲VIP房？）會呀，銅鑼灣店舖得一間VIP房可以容納12人，但呢間新店就有兩間，每間可以坐12至14人，打通咗就可以容納到30人，聽晚都有個電影慶功宴喺呢度搞。」

感激圈中好友支持

Francis又感激一班圈中好友的支持，例如鄭伊健在之前電影宣傳期就經常光顧店舖，他說：「我唔會靠打折，我覺得材料係最緊要，之前喺澳門都有開餐廳，但始終好多朋友都唔方便去到澳門，所以喺香港開舖之後，都有好多唔同嘅歌手藝人會過嚟。」問到圈中好友當中，誰最吃得辣？他笑言：「郭富城（城城）係當中嘅No.1，佢好食得辣，佢嚟咗第三次，我哋先調配到啱佢嘅湯底，所以呢度係有專屬郭富城嘅湯底。（除咗郭富城之外，仲有冇其他藝人有專屬湯底？ ）其他藝人主要都係揀番中辣嘅普通湯底，伊健都係食中辣。」他指香港人普遍吃到中小辣的湯底，但認為近年香港顧客已經越來越吃得辣。他又透露屯門分店即將開幕，成為香港第三間分店。