咁爆！張繼聰同陳靜「假結婚」呃禮金
20181023
東網電視
更多新聞短片
張繼聰同陳靜首度合作。
藝人張繼聰（阿聰）與陳靜（DaDa）出席電影《八步半喜怒哀樂》的首映禮，二人於單元《喜：喜宴》中首次合作，講到DaDa於劇中飾出租女友，與阿聰假結婚聯手呃人禮金，事後再分帳，阿聰指戲中還有好多奇幻元素：「就好似80、90年代啲戲咁，唔會嚇到人哋跳起，唔似依家啲驚慄片咁。」二人均表示對於另外3個單元都感興趣：「每個故事有唔同情緒，Stephy（鄧麗欣）嗰個故事又有爆炸、爆樽，仲有半裸！」其中阿聰抵死笑話唔敢睇：「因為同Stephy、同埋佢媽媽都好熟，要遮眼。」
阿聰又大讚DaDa又專業、又放，配合度好高，有好多臨場發揮，此時二人突然互計年資，發現原來阿聰才是電影界中的後輩，DaDa即笑謂：「早知係咁我就諗啲嘢叫你做啦！」她又續指戲中飾演媽媽的邵音音無時無刻都好入戲，能夠帶動現場氣氛。
問到DaDa休息過後，復工是否習慣？她表示因為之前身體唔好，耳水不平衡，大約用了一年時間周遊列國叉電，現時好有精神，笑問是否因為使晒啲錢就返嚟做嘢？她笑言：「本來都冇乜（錢），去旅行少有少使。」
----------------------------
東網巨星開咗ig喇，大家快啲follow啦！