望明年做老竇！林奕匡使4千蚊買呢樣嘢
20181024
東網電視
更多新聞短片
林奕匡希望明年可以做老竇。
歌手林奕匡（Phil）到觀塘為將於下月三、四日舉行的九展演唱會作綵排，他透露已綵排了四日，音樂方面已準備就緒，問會否挑戰跳舞？他說：「會有少少郁動啦，未知有幾多。」Phil又指彈結他不是自己強項，但監製亦很支持他，因此今次會是一次挑戰：「兩、三個星期前先搵老師同買過部新結他，之前都係用好平的練習結他，唔見得大場面。（買咗幾錢？）買咗四千蚊，店主都話結他係好值得使錢，佢話除咗車、酒、女人，結他就係最貴。（覺得女人最貴？）唔會，如果係自己個女就會最重要囉。（幾時追上陳柏宇生B腳步？）呢啲各有各行，已經有計劃，希望係明年。」
Phil表示在演唱會歌單亦下了不少苦功，他說：「有人話人生最重要嘅歌有20首，希望啲聽眾可以係當晚搵到一首，我覺得呢個演唱會就好圓滿。」Phil指做歌單時才發現自己的歌多了不少，往時都要唱別人的歌填數，今次大部分都是自己的作品。
----------------------------
東網巨星開咗ig喇，大家快啲follow啦！