囝囝學前班面試瀨屎　車婉婉即場換片

歌手車婉婉到電視城為《流行經典50年》節目錄影，並獻唱劇集《無頭東宮》主題曲：「呢首歌其實冇出過唱片，亦未試過現場唱，但原來網上好多人話好鍾意首歌，所以今次就唱呢首，不過唔好提係幾多年前。（使唔使練番？）又唔使練好多次，因為首歌寫得好，又好順。」可能太緊張的關係，她趕住出門時只帶了裙，帶漏了鞋和首飾，自嘲可能患上產後失憶症。

提到日前帶囝囝去為明年9月的學前班面試，婉婉坦言對自己來說是新體驗，又爆囝囝面試前突然瀨屎：「大家坐晒喺度，好準時，但突然間我聞到好大陣味，我問阿仔係咪poopoo咗，所以即刻同老師講要搵個地方換片，我見到後面有個膠箱，即刻拎佢上膠箱，就喺上面換片。（老師對佢留下深印象？）佢睇唔到，我匿埋咗喺個角落，好果斷咁做，廁所都唔去。（不知不覺搞掂咗？）無色，但可能有啲味。」她亦謂之後都會去幾間學校面試。

----------------------------

東網巨星開咗ig喇，大家快啲follow啦！

https://bit.ly/2JjSVcr