牧師取食經！林以諾睇羅霖劈蟹嚇親

曾主持旅遊節目及演出棟篤笑、風趣幽默的林以諾博士，真正身份不但是一位牧師，原來也是一位「廚師」！近日他除了講「聖經」，「食經」亦不離口，更在東網巨星節目《星級煮意》主持《以諾學廚》，與不同嘉賓交流兼學習廚藝，當中包括黎瑞恩、羅霖、關心妍和嚴淑明等。林博士接受訪問時指最感謝恩師——太太，全因是其煮食的啟蒙老師：「兩年前諗退休後嘅生活，就係想學煮嘢食，加上自己好鍾意食嘢兼鍾意招呼朋友嚟食飯，就開始跟太太學習下廚兼自己摸索咗半年。今次有機會拍呢個飲食節目，每集邀請唔同嘉賓，希望以一個輕鬆形式用飲食講人生，分享其經歷。」

林博士大讚每位嘉賓的廚藝各有實力，其中最令他驚喜的竟是「美魔女」羅霖，他說：「拍攝當日見佢着得咁靚，又整晒指甲，估唔到佢劈蟹咁勁，佢係可以一邊傾偈，一邊劈蟹，一心二用非常厲害。」還直言下廚可令他身心放鬆，進入忘我境界：「煮飯時每個步驟都要好專注，一分心就亂，就會出錯，要用心煮，所以即使遇到有咩煩惱事，喺煮嘅過程都會忘記，係一個令自己放鬆嘅好方法。」又自爆其拿手菜是煎牛扒，家人每次食完都大大畀Like！