壓軸!黃翊同「內地歌手」80年代合作過?
歌手黃翊在九展舉行首個演唱會,來到中段,他與女舞蹈員跳唱幾首快歌,唱到《Stand Up》時,他落台與大家握手,唱完後笑言被大家抓傷了。之後他唱出四大天王歌曲medley,如《對你愛不完》等,接着他邀得曾合作拍劇的李克勤做壓軸嘉賓,一起合唱《大會堂演奏廳》,全場high爆!黃翊笑言為此失眠了幾天,又謂對上一次跟克勤合作不是很久之前:「係1989年嘅《淘氣雙子星》。」克勤笑言:「竟然用「淘氣」形容我,依家應該用「長氣」嚟形容我哋,呢套劇有冇造成你哋有童年同中年陰影?」

克勤續謂:「我同黃翊廿幾年前拍劇,仲曾經同一間唱片公司,但都冇合作過,反而咁多年後有機會唱歌畀大家聽,好戥你開心。」他又自嘲:「我唱咗歌30年,依家變咗內地歌手。」黃翊即謂:「搵人仔係好事。」克勤笑言:「最緊要係報稅。」黃翊即抵死問:「報足?」克勤笑言:「梗係!」合唱完《左麟右李》後,克勤對黃翊謂:「唔好等太耐再有下次演唱會,下次我再上嚟玩。」最後黃翊唱出《最愛的你》,演唱會圓滿結束。
----------------------------
東網巨星開咗ig喇,大家快啲follow啦!
https://bit.ly/2JjSVcr