同黃翊合唱!黃和興:開心佢圓個唱夢
前Zen樂隊成員主音歌手黃和興(阿興)昨晚為黃翊演唱會擔任嘉賓,二人熟落源於無綫節目《流行經典50年》,當日二人為節目擔任嘉賓,而阿興就膽粗粗向黃翊「抄牌」攞電話,因此二人便結緣及成了好友。而阿興現時的經理人公司亦是黃翊今次演唱會的主辦單位,阿興謂:「我都好膽粗粗問黃翊有冇機會可以同佢上台合唱一首歌,佢最初冇應承,但尋晚畀佢捉咗上台,合唱咗一隻《I Remember You》,大家真係冇排過,即嚟!」

阿興又坦言見到這位好朋友的夢想可以實現到,真的很開心、感動,他謂:「一個廿幾年冇唱歌嘅人能夠完成佢嘅演唱會夢,係好難得。(幾時到你開?)嚟緊我都會開,之後小試牛刀會喺12月頭會同龍小菌做一個歌友會熱身吓先,自己嘅新歌就會11月宣傳,二月中會派新歌,預計自己年中開演唱會,依家自己可以上番舞台,感受吓先,都係好滿足嘅!」
----------------------------
東網巨星開咗ig喇,大家快啲follow啦!
https://bit.ly/2JjSVcr