喧賓奪主！蕭正楠爭做主角　翠如冇碇企

藝人黃翠如（23日）生日，男友蕭正楠（Edwin）就為佢舉行咗個全男班驚喜派對，出席嘅包括有曹永廉、袁偉豪等！不過生日飯又點只一餐，尋晚就到黃致豪與太太Peggy及林夏薇為佢慶祝，眾人送上生日蛋糕，不過主角好似變咗蕭生咁，事關佢又坐正中間仲係咁攝鏡，翠如就話：「一過了十二點，這位奇怪先生搶回中間位，他說多謝大家為他慶祝。#每一張相都要入鏡」而網民都笑言好似佢生日咁，仲祝埋呢位先生生日快樂添！

而Edwin就好唔抵得女友有咁多蛋糕食，佢留言：「到底條魚（指翠如）切咗幾多個蛋糕呢？」有網友就話：「每個蛋糕隔離（籮）有你咪夠！」叫佢哋要繼續Sweet落去呀！