張振朗操出八舊肌　激讚蔡思貝N「好」

藝人張振朗現正忙拍劇集《機場特警》，當接到劇本及角色時，知道要演型爆又fit爆的機場特警時，已勤力操練。雖然又要趕拍另一劇集《牛下女高音》，忙得不可開交，但他放棄休息，把握放工後僅餘的時間做運動操練，最終操出八舊肌肉，認真勤力和專業！

振朗接受東網訪問時謂：「其實拍呢套劇首先要多謝監製陳耀全，佢聯絡咗好多唔同單位，令成件事投入度高咗好多。亦要多謝黎Sir、九哥，佢哋係前機場特警，指導我哋拍攝，教咗我哋好多，我哋成班人都為咗呢套劇嘢又唔敢食、水又唔敢飲，務求令到效果似啲，成件事係好辛苦，但好開心同值得嘅！希望畀觀眾睇到我哋嘅用心。」

他又不忘大讚拍檔蔡思貝N「好」：「佢係女仔嚟，但佢真係好tough、好捱得，直頭當佢男人咁去拍，但佢係好堅毅不屈，好犀利，我自己都好佩服佢。」