Share變靚心得！倪晨曦做真人騷評審體會深

宅男女神倪晨曦出席健康食品活動時，透露已茹素年多，身邊朋友都擔心她不夠營養。她表示平日有吃補充維他命：「想皮膚靚啲，都要補充啲膠原蛋白，如果唔係做嘢好攰時，都驚個樣好殘！做呢行要時刻保持狀態，平日生活好自律同埋做運動。（你成日周圍飛，有乜護膚心得？）最緊要做好平時皮膚護理程序，喺飛機上我會照敷面膜，唔理人哋眼光，會隔幾個鐘就搽護膚品，因為好多時一落飛機就要做嘢，所以要趁飛行嗰幾個鐘keep住最好嘅狀態。」

提到她擔任ViuTV真人騷《廣告女皇》的評審，她說節目錄影到接近尾聲，但不可以透露結果，並賣關子説：「好多意想不到，連自己做評判都估唔到，啲參賽者表現好唔穩定，有啲人初頭表演唔好，但到後嚟衝晒出嚟！有啲人開始好好，但到尾又好普通，都有啲失望！所以大家一路追住睇先知發生乜事。」

問到如果她未入行，想唔想試吓參加類似比賽？她說：「我覺得參賽者好勁，我都未必做到佢哋做到嘅嘢。講真，時代唔同，依家要全能，好多嘢佢哋都要識。我學緊做一個製作人，唔係表面扮靚咁簡單，今次做評審都學咗好多嘢，有好大得着。」