人夫吳家樂變「肌」佬嫌自己唔夠Fit

藝人吳家樂不嬲收埋自己身材，但他罕有派福利於社交網晒肌，令人眼前一亮，更留言謂：「今日終於要拍除衫戲，盡晒力都係唔夠fit！」一眾好友如傅明憲、陳山聰等都即刻留言，指他要求太高，山聰謂：「好Fit啦！大佬，玩嘢咩！」傅明憲又讚他已經Fit爆，原來近日家樂正為無綫劇集《機場特警》拍攝，他謂：「個個都操到好Fit呀！始終做特警，要操番fit啲嘅，其實比起好多大隻佬，我差好遠，今日拍成隊team除衫跑山，咁我冇理由唔努力！劇入面都有啲浴室沖涼嘅場口，所以今晚放肆食餐好，之後要再操過。」