張敬軒爆播MV有錢收：一首國語歌袋6位數

歌手張敬軒（軒仔）為音樂會演出，台上自爆有輕微哮喘病發，不過表演未受影響，軒仔稱是氣管敏感，笑言：「搞到條氣唔順！（畀人激親？）冇，呢排好開心就真。」他謂之前與DJ Donald去了澳洲，嘗試了很多人生第一次，如濕身、滑浪等。但見他在片中穿潛水衣不夠性感？軒仔笑言：「唔着衫就性感？我覺得我着樽領最性感。」而軒仔稱現網上尺度相對比較大，可以玩得較放，所以即將網上播出澳洲之旅的第三、四集，會玩些冒險性的玩意。想做旅遊達人？軒仔稱：「因為現今年代要開始經營『自媒體』嘅趨勢，都會拍啲古靈精怪片，傳統媒體都重要嘅，依然會擺好多時間去做，但就多咗另外一啲平台去玩一啲好玩嘅嘢。（係咪新嘅模式亦係新嘅收入來源？）都係，網上一啲平台播到某個瀏覽數量係有拆帳嘅，所以公司都收到幾可觀數量。（可觀即大概幾位數？）有6至8位數都有。」

而軒仔稱他收到最可觀一次是一首國語歌《只是太愛你》MV，有6位數收入（根據資料顯示有過千萬點擊），他謂：「呢首歌都幾特別，好多網民都當佢好似一首懺悔嘅歌，歌下面好多懺悔嘅留言。（當咗你係神父？）係呀。（咁你多作呢類型歌？）但通常點擊高都係國語歌，睇吓嚟緊新出嘅國語碟會唔會成為另一首懺悔嘅歌。」