染怪病?泳兒忽然皮膚敏感紅腫眼腫

20181025
東網電視
更多新聞短片
真係要小心身體呀…
歌手吳浩康、泳兒和新人曾樂彤出席音樂會,講到台上泳兒稱之前身體欠佳,不時皮膚敏感紅腫眼腫?泳兒稱:「都唔知咩原因,會突然間紅腫,已經唔想再食藥,反而希望多啲做運動、放吓假咁。之前生日去完澳洲,本來定好日子去跳降傘,當送自己一份生日禮物,點知嗰日落大雨要取消咗,希望下次,要身體好,上台壓力大啩。」叫身旁的阿Deep教她健身?泳兒笑言打Boxing會腳粗。Deep謂最緊要個運動能令她開心,就算稍微搞到粗腳都值得。
而Deep亦稱親身目擊泳兒的皮膚敏感情景:「嗰次同佢去澳門表演,嗰頭佢入房放低行李,我哋就叫佢出去食嘢,頭尾唔夠3分鐘,佢一邊半就又紅又腫咗。」泳兒稱起得快亦退得快,不過隨即便發現泳兒的右臉便突然紅了一小片,她即叫自己:「唔好激動,要心平氣和先得。」