地獄廚神重出江湖！容祖兒着皮褸整雞翼

「天后」容祖兒去咗台灣宣傳，不過今次就有啲唔同，因為佢係去亮相一個電視台嘅飲食節目。天后駕到，工作人員都好悉心咁幫佢整理造型，唔通自稱地獄廚神嘅佢會親自下廚？無錯，今次祖兒係會「擺啲雞翼落鑊」嘅，佢話：「上飲食節目，地獄廚神重出江湖，你們看，大家都緊張我整污糟件皮褸。其實只係擺啲雞翼落鑊。」

此行仲見到台灣歌手張信哲添，兩位唱得之人一碰頭，梗係要影張合照啦。二人惺惺相惜即刻拎自己嘅專輯出嚟交換、交流吓，祖兒就話：「上個禮拜我們一起在北京上節目今日又再台北相遇，我跟阿哲的緣分真的非一般，所有都是剛好。」