生完2個月！宋熙年首發全身相晒成果

8月尾誕下仔仔的宋熙年（Sarah），短短2個月時間已經回復昔日苗條身形，今日佢喺ig上載全身相，穿上黑色貼身套裝嘅佢曲線返晒嚟，點睇都唔似生過BB，佢喺ig留言話老公陳智燊喺停車場攔住佢叫佢出夜街前留影，仲話自己依家只係比懷孕前重6磅：「好開心只係剩番6磅未減，但唔急於減肥，因為好享受呢個微胖狀態。」佢又話好享受喺屋企着睡衣同埋張頭髮放低嘅感覺。網友就大讚佢生完仲靚過之前！