忽然被傳結婚　蘇玉華急澄清：搭錯線！

藝人蘇玉華與「劇團王子」潘燦良拍拖22年，其實潘燦良好有心思，他曾自爆在日本雪地求過婚，當時蘇玉華感動到喊，而且求婚唔只一次，雖然蘇玉華都有答應，但至今二人仍未正式結婚，潘燦良就講過係因為「懶惰」，仲話對佢來說蘇玉華已是佢家人。點知去到尋晚，蘇玉華忽然喺社交網開post︰「這是值得紀念的一天。」令大家聯想佢係咪想宣布婚訊，搞到圈中好友都紛紛留言恭喜佢，就好似甄詠蓓、楊英偉同韓馬利等。

東網聯絡蘇玉華，佢就否認要結婚，不過就未有透露咩事咁值得紀念：「不是呀！搭錯線！」唉…睇嚟大家今次都真係搭錯晒線喇……