拍足8輯仲未識下廚　肥媽笑6號冇天賦

藝人Maria Cordero（肥媽）、陸浩明（6號）、蔣家旻、胡美貽、衛志豪、區永權到荃灣出席煮食節目《肥媽優質食好D》宣傳活動，兩女與衛志豪即場挑戰煮扒餐，聲稱有12年下廚經驗的美貽，將牛扒煮到血淋淋，而蔣家旻更手忙腳亂，將食材放到鍋中「一鑊熟」相當搞笑，幸得肥媽及時撥亂反正，作品最終仍算「出得廳堂」。

肥媽數數手指表示已為TVB拍了9輯節目，而與6號則合作了其中8次，今集會為大家張羅各地優質食材，笑言是帶大家「食好西」。提到6號拍了8輯仍不懂下廚，問肥媽會否感失望？她笑說：「每個人都總有啲天賦，佢嘅天賦就唔喺呢度，咁有人煮總要有人負責食，係我哋嘅合作方式。」

提到上集大受好評，肥媽更被big big shop視為「生招牌」，問到公司可有獎勵？她表示：「做到觀眾支持已經好開心，今次唔使我諗點樣令道菜易煮，又唔使掃街市搞到呢條友（6號）要幫手抹汗，已經好大獎勵！」6號則指今集能以「特別版」方式在台慶月亮相，已覺得受到公司重視，希望「做好D」能繼續添食。