落大雨仆到應　秦芷瑤跌落樓梯

亞視藝人秦芷瑤（Rose）早前完成公益電影拍攝回港後，除一直上課增值，更為選美活動擔任司儀。活動當日傾盆大雨，一向男仔頭的Rose卻特意穿上短裙和高踭鞋現身，更早早出發到會場，但途中卻非常狼狽，一不小心跌落樓梯！

Rose坦言：「當初大會搵我做司儀，心情既緊張又興奮，當然要好好準備，但我個人一向都好心急，諗住着番似女仔斯文啲，點知自己行樓梯唔小心差錯腳跌低趴向條樓梯度，真係醜死怪，我即時反應望吓有冇人睇到，然後即刻扮冇嘢企番起身衝入會場。」