拍劇勾起回憶 麥明詩慨嘆做律師住劏房
20181025
東網電視
更多新聞短片
麥明詩揭做律師的生活十分艱苦，連阿媽都贊成佢放棄做律師嘅決定。
藝人麥明詩（Louisa）、王梓軒、林秀怡與林景程到中環宣傳新劇《是咁的，法官閣下》，四人挑戰蒙眼裝飾蛋糕，Louisa笑言在新劇《殺手》中演盲妹，因此棋開得勝！但在劇中的律師生活卻很坎坷：「相信啲人睇完會明我點解唔去做律師，因為真係幾慘，又要住劏房！（有朋友呻慘？）為咗24小時『捕』住個法庭，要喺中區附近搵地方住，佢哋會分租，儲唔到錢㗎！」
曾是法律系學生的Louisa，問今次拍劇可有圓夢？她笑言：「未圓晒，今次做事務律師，希望可以上庭做埋大狀啦！今次有劇情勾起啲情緒，話我畀人鬧之後想辭職，同當時決定唔做律師嘅心情好相似。（有冇後悔過？）冇後悔！」
提到媽咪麥何小娟見到Louisa在劇中律師的專業一面，會否對她當日決定有微言？她搞笑說：「佢會認同我嘅選擇，當時我去律師樓實習都好辛苦，晚晚三、四點收工，不過依家就四、五點收工！」
----------------------------
東網巨星開咗ig喇，大家快啲follow啦！