調理身體最緊要!黃翠如自爆諗緊生B

20181025
東網電視
更多新聞短片
係嘅~咩都係講節奏!
藝人黃翠如出席太陽眼鏡活動,講到生日獲不少好友送蛋糕祝賀,翠如笑指男友蕭正楠每張相都「攝鏡」:「佢陪我過生日過到覺得要自己企中間。」問到男友可有趁生日求婚?翠如怕醜話:「冇呀,有嘅話呢兩日都公布咗。(呢兩日,之前有?)冇呀!(咁有冇計劃過?)我哋有我哋嘅節奏啦!」
講到日前直播飲滴雞精嚇親媽媽,她解畫指因為想調理身體:「因為一直拍戲搞到氣管好虛,飲咗身體又真係好咗,如果想生小朋友嘅女仔都好應該飲,調理吓身體。(你想生小朋友?)唔關事,係近排病得好犀利。(咁即係幾時生?)咁快跳Step嘅,但都可以諗吓嘅!」她又冧到爆指收到蕭正楠送的小飾物作生日禮物,問到是否戒指?翠如笑住否認:「佢都有送過好多隻戒指嘅,全部都係飾物。」
翠如透露下個月會出發拍攝旅遊節目,暫定會去6個國家探討貧窮問題,又指是次節目對自己好有意義:「呢個監製之前同過我去30個國家拍攝旅遊節目,依家再走番埋一齊,希望睇多啲世界嘅另一面。」不過翠如都有擔心過當地的治安問題,目前都有跟不同慈善團體聯絡「打底」,問到男友可會擔心?她坦言:「佢冇乜反應,不過都有擔心嘅,到依家都未相信我會去拍,但其實機票都已經買好。」