【騷胸冧女】姜濤最愛甜美顧家女仔

憑真人騷《全民造星》而人氣飆升的19歲冠軍選手姜濤，近日為美妝品牌拍攝宣傳照及短片。期間忚打開胸前鈕扣騷胸上陣，一如過往大派韓式心心手勢賣萌，加上鮮花攻勢，一副花漾少男模樣迷倒在場少女。問到覺得自己哪一方面最萌、最可愛？他反問：「答問題的時候？」他又指並沒有覺得自己可愛：「當初參加《全民造星》時，唔識得點樣回應問題，就會發呆30秒喺度思考，可能大家就會覺得我可愛，其實我唔覺得自己萌或可愛。」

在別人眼中是可愛小鮮肉的「姜B」，問到會否喜愛sweet、可愛的女生？他笑指：「我想任何一個男仔都鍾意呢類型嘅女生，我都鍾意！」但他又坦率地直言：「但如果係女朋友，希望佢呢一面只係畀我睇到，而唔係對個個人都係咁。」

而他心目中的甜美女神，原來是台灣女星楊丞琳和日本女神有村架純，他說：「佢哋睇起嚟好顧家，顧家係一個好甜蜜嘅行為。」不過要數他的頭號甜美女神，他即賣口乖謂：「媽媽有時會好惡好兇，但都有甜美sweet嘅一面，係我心目中嘅女神！」

今次他以花漾少男造型拍攝，形象有新突破，他笑言：「今次嘅造型都幾新吓，『露』咗好多，後悔未有練好身形，冇幾舊腹肌畀大家睇。如果可以練好身形，或者可以嘗試唔同風格，男仔都想騷好身材。其實咩類型嘅風格自己都可以試吓，因為未試過唔知邊種風格適合自己。」

除了姜濤，《全》的亞軍陳卓賢（Ian）、陳瑞輝（Frankie）、龔慈恩女兒林愷鈴、民選港姐吳海昕、主唱電影《哪一天我們會飛》主題曲的年輕歌手黃淑蔓、2016年國際小姐澳門代表蘇霖、新演員王思敏、網絡女神佩男都有拍攝造型。